SIYAM na Korean nationals ang dinampot ng mga ahente ng National Bureau of Investigation (NBI) dahil sa kasong online fraud sa isang condominium sa Parañaque noong Miyerkules.

Kasama ang mga tauhan ng Bureau of Immigration-Fugitive Search Unit (BI-FSU) ng matunton ang mga suspek na pawang mga takas mula sa Korea.

Ayon kay NBI Director Jaime Santiago nadiskubre ang mga suspek na nandadaya online at gumagamit ng computer sa mga financial transactions sa online communication platforms.

Nakilala ang mga Koreans na sina Han Jae Seong, Lee Hyunwoo, Kwon Yeon Ji, Park Kwang Jun ,Kim Hee Jin, Jeong Seongae, Bae Sehwan, Ryu Juhsang at Kim Young Sup.