PUMASA ang 242 sa kabuuang 279 examinees sa October 2026 Mining Engineers Computer-Based Licensure Examination, ayon sa Professional Regulation Commission (PRC).

Katumbas ito ng 86.74% passing rate. Ibinigay ang pagsusulit ng Board of Mining Engineering sa mga testing center sa National Capital Region, Baguio, Butuan, Cagayan de Oro, Cebu, Davao at Legazpi.

Nanguna si Christian Rex Manois Dagondon ng University of Southeastern Philippines-Davao City matapos makakuha ng 93.95% na rating. Pumangalawa si Jan Nikko Quepanes Panangit ng Mindanao State University-Iligan Institute of Technology na may 93.40%, habang pumangatlo si Alexandra Nicole Cabrera Cañete ng University of the Philippines-Diliman na may 93.30%.

Kasama rin sa Top 10 sina Alliah Mae Ratunil Diginion ng Cebu Institute of Technology-University at James Jaime Canasa Lamberang ng Mindanao State University-Iligan Institute of Technology, na kapwa nakakuha ng 92.95%.

Nanguna naman ang Mindanao State University-Iligan Institute of Technology at University of the Philippines-Diliman sa mga paaralang may 10 o higit pang examinees at hindi bababa sa 80% passing rate. Pareho silang nakapagtala ng 100% passing rate.

Narito naman ang listahan ng mga pumasa aa naturang exam:

Simula Nobyembre 24, 2026, maaaring magparehistro online ang mga pumasa para sa pagkuha ng Professional Identification Card at Certificate of Registration. Iaanunsyo naman sa susunod na panahon ang petsa at lugar ng oathtaking ceremony.