SINABI ni Police Regional Office 10 director Brigadier General Nestor Babagay Jr. na nalansag nila ang secret POGO hub sa Iligan City at naaresto ang 13 suspects kasama ang P12 million na halaga ng computer evidence pero hindi nahuli ang may-ari ng POGO hub.

Sa report kay Philippine National Police chief General Jose Melencio Nartatez Jr., sinalakay ang Philippine Offshore Gaming Operator na ino-operate ng IT company sa Brgy. Hinaplanon, Iligan City.

Nalansag ang POGO office sa tulong ng Warrant to Search, Seize, and Examine Computer Data (WSSECD) na inisyu ng Iligan City Regional Trial Court Branch 4.

Sa 13 na naaresto, 2 ang pinaniniwalaang studio managers at 11 ang online demonstration dealers pero hindi nahuli ang may-ari ng establishment.

Nakumpiska sa 4 rooms ng area ang mga computer processing units, monitors, cameras, recording devices, tablets, card scanners, gaming tables, card decks, lighting equipment at iba pang accessories na nagkakahalaga ng P12 million.

Kasama sa paglansag ng hub ang PRO-10, Iligan City Mobile Force Company, Presidential Anti-Organized Crime Commission, PRO 10 Regional Intelligence Division, Regional Intelligence Unit 10, Iligan City Police Office at PNP Criminal Investigation and Detection Group at Regional Anti-Cybercrime Unit.

Ayon kay Brig. Gen. Babagay, nahaharap ang mga naaresto sa paglabag sa RA 1231 (Anti-POGO Act of 2025).

“We are determined to dismantle illegal POGO operations and prevent them from using legitimate business establishments to conceal unlawful activities.

This operation sends a clear message that the PNP will not allow such activities to go unchecked,” the top cop said.

“Hindi dito nagtatapos ang ating trabaho. Patuloy nating palalalimin ang imbestigasyon at titiyaking matutukoy ang lahat ng may pananagutan sa mga ilegal na operasyong ito,” sabi ni Gen. Nartatez.