MULING bubuksan ng Commission on Elections (Comelec) ang voter registration sa Disyembre 12, 2022.

Ang pagpaparehistro ay para sa isasagawang Barangay and Sangguniang Kabataan elections (BSKE) sa Oktobre 2023.

Ayon sa Comelec magtatagal ang voter registration hanggang sa Enero 31, 2023.

Ang mga nais na magparehistro ay maaaring pumunta sa tanggapan ng Comelec at mga satellite office nito mula Lunes hanggang Sabado, kasama ang holiday, alas-8 ng umaga hanggang 5 ng hapon.

Ipinagpaliban ang BSKE na gagawin sana sa Disyembre 2022.