Walang tumutol na miyembro ng Kamara de Representantes sa pagpasa ng panukala na laban sa diskriminasyon sa mga kababaihang empleyado.

Ang House Bill (HB) No. 4479 ay mag-aamyenda sa Article 135 ng Presidential Decree No. 442, o Labor Code of the Philippines.

Ang panukala ay akda nina Speaker Martin G. Romualdez, House Majority Leader Manuel Jose “Mannix” M. Dalipe, at Reps. Charisse Anne C. Hernandez, Juan Fidel Felipe F. Nograles, Mary Mitzi L. Cajayon-Uy, Keith Micah “Atty. Mike” D.L. Tan, Allan U. Ty, Christopherson “Coco” M. Yap, Munir N. Arbison Jr., Christopher V.P. De Venecia, Paolo Z. Duterte, Edcel C. Lagman, Romeo M. Acop, Bonifacio L. Bosita, Carl Nicolas C. Cari, Edwin L. Gardiola, Mark O. Go, Gerville “Jinky Bitrics” R. Luistro, Khymer Adan T. Olaso, Rodolfo “Ompong” M. Ordanes, Florida “Rida” P. Robes, , Geraldine B. Roman, Roman T. Romulo, Ma. Alana Samantha T. Santos, Jeffrey Soriano, Leody “Odie” F. Tarriela, Jocelyn P. Tulfo, Patrick Michael D. Vargas, Eduardo “Bro. Eddie” C. Villanueva, Arlene D. Brosas, France L. Castro and Raoul Danniel A. Manuel.

Sa ilalim ng panukala ay ipagbabawal ang hindi pagtanggap, pag-promote, pagbibigay ng benepisyo, o pagtrato ng mas mababa sa mga babae dahil sa kanilang pagiging babae o mga katangian ng pagiging babae gaya ng pagbubuntis o buwanang dalaw.

Ang mga employer at kasabwat nitong empleyado na lalabag ay maaaring makulong ng isa hanggang dalawang taon o multang P50,000 hanggang P200,000 o pareho depende sa desisyon ng korte.

Anuman ang kalabasan ng kasong isinampa, ang babaeng nakaranas ng diskriminasyon ay maaaring magsampa ng kasong sibil upang makuha ang suweldo o benepisyo na hindi ibinigay sa kanya.