Calendar
Pinangasiwaan ni Speaker Romualdez, Presidente ng Lakas-CMD, ang panunumpa o oath taking nina Iligan City Lone Dist. Cong. Celso G. Regencia, Aklan Gov. Jose Enrique “Joen” Miraflores, dating Aklan Gov. Florencio “Joeben” Miraflores at Pampanga Board Member Alyssa Michaela “Mica” Mercado Gonzales bilang mga bagong kasapi ng Lakas-CMD. Kuha ni VER NOVENO
Mga bagong miyembro ng LAKAS-CMD nanumpa kay House Speaker Martin G. Romualdez
INIHAYAG Lunes ni House Speaker Martin Gomez Romualdez na muli na naman nadadagdagan ang bilang mga kasapi ng Lakas-Christian Muslim Democrats (Lakas-CMD).
Ito ay matapos umanib sa Lakas-CMD ang isang kongresista, provincial governor, dating provincial governor at isang provincial board member bilang mga bagong miyembro ng partido na inaasahang magiging pinaka-malaking partido politikal sa bansa.
Pinangasiwaan ni Speaker Romualdez, Presidente ng Lakas-CMD, ang panunumpa o oath taking nina Iligan City Lone Dist. Cong. Celso G. Regencia, Aklan Gov. Jose Enrique “Joen” Miraflores, dating Aklan Gov. Florencio “Joeben” Miraflores at Pampanga Board Member Alyssa Michaela “Mica” Mercado Gonzales bilang mga bagong kasapi ng Lakas-CMD.
Si dating Pangulo at kasalukuyang House Senior Deputy Speaker Gloria Macapagal-Arroyo naman ang tumayong witness sa ginanap na “oath taking ceremony” bilang Lakas-CMD President-Emeritus.
“We are looking forward to an enjoyable and productive interaction, engagement and camaraderie with them,” sabi ni Speaker Romualdez.
