NALAGPASAN ng Marcos administration ang target na kita ngayong 2022.

Ayon sa Department of Finance (DOF) ang nakolektang buwis at iba pang bayarin ng Bureau of Internal Revenue (BIR) at Bureau of Customs (BOC) ay umabot sa P3.2 trilyon lagpas ng 2.2 porsyento sa target na itinakda ng Development Budget Coordination Committee (DBCC).

Itinutulak ng DOF ang pagsasabatas ng Comprehensive Tax Package 3 at 4, excise tax sa single-use plastics, Value Added Tax sa foreign digital service providers, ease of paying taxes bill at Mining Fiscal Regime upang mapataas ang nakokolektang buwis ng gobyerno na kailangan nito upang maipatupad ang mga kinakailangang programa at proyekto.