DALAWANG Overseas Filipino Worker (OFW) ang sugatan sa pagguho ng pitong palapag na gusali sa Doha, Qatar.

Ayon kay Department of Migrant Workers (DMW) Secretary Susan Ople nagtamo ng mga galos ang dalawa at pinalabas na ng Hamad General Hospital.

Sinabi ni Ople na tatlo pang OFW ang nakatira rin sa gumuhong gusali at masuwerte na nasa trabaho ang mga ito ng maganap ang pangyayari.

Tinutulungan na rin ng DMW ang mga Pilipino na nakatira sa kabilang gusali.

Pansamantalang tumutuloy ang mga ito sa Qatar Youth Hostel.

Inaalam pa ang sanhi ng pagguho ng gusali na nangyari sa Bin Durham neighborhood, Doha.

Ayon sa mga ulat, isa ang nasawi sa insidente.