PINANGUNAHAN ng Tingog party-list at tanggapan ni Speaker Ferdinand Martin G. Romualdez ang pamamahagi ng tulong sa mga nasunugan sa Ormoc City.

Nakatanggap ng kulambo, tsinelas, tuwalya, toiletries at iba pang pangangailangan 346 na indibidwal o 72 pamilya mula sa animnapu’t limang kabahayan mula sa resettlement village sa Brgy. Danao.

Sumiklab ang sunog noong gabi ng Huwebes, isang araw bago ang kapistahan sa naturang barangay.

Ang naturang mga benepisyaryo ay naging biktima na rin ng lindol noong Hulyo 2017 na tumama sa Ormoc City at kalapit bayan na kumitil sa dalawang buhay at nag-iwan ng milyong pisong halaga ng pinsala sa imprastraktura.

Malaki naman ang pasasalamat ni Brgy. Chair Richard Impas sa tulong na ito ng Tingog at ni Speaker Romualdez.