MAKAKATANGGAP ng anniversary bonus ang mga empleyado ng Department of Agriculture (DA).

Inanunsyo ito ni Pangulong Ferdinand R. Marcos Jr. sa kanyang talumpati sa ika-125 founding anniversary ng DA.

“Binubulungan ako ng ating butihing Senadora (Senator Cynthia Villar) at ang ating kasamahan at lahat ng mga taga-DA, sabi sayang naman ang dami nating pinapagawa sa mga tao dahil anniversary, dapat may bonus,” ani Pangulong Marcos.

“So, dagdagan naman natin ng kaunting bonus. Sabi naman ni Usec. Ding, eh may savings naman daw kayo, bakit hindi. Inuna ko na doon sa selfie para nakangiti kayo sa picture,” sabi pa ng Pangulo.

Ayon sa Pangulo, ang halaga ng bonus ay nakadepende sa savings ng DA.

“Titingnan ko pa kung ano ‘yung savings natin pero may bonus kayo,” dagdag pa ng Pangulo.

DA employees makakatanggap ng anniv bonus