WALANG HUMPAY at maituturing na “unli o unlimited” ang serbisyo ni House Deputy Speaker at Cebu 5th Dist. Cong. Vincent Franco “Duke” D. Frasco para sa kaniyang mga kababayan matapos nitong tunguhin ang bayan ng Carmen para sa pag-turn over nito ng Flood Control Project.

Nabatid kay Frasco na ang pangunahing layunin ng Luyang River Flood Control Project sa Barangay Puente sa Munisipalidad ng Carmen ay upang tulungan ang mga residente ng nasabing lugar mula sa matinding pagbaha bunsod ng tumataas na tubig sa panahon ng pagbuhos ng malakas na ulan o pagbaha.

Sinabi ni Frasco na dahil sa pagkakaroon ng Flood Control Project sa Munisipalidad ng Carmen. Bahgyang maiibsan na aniya ang matagal ng problema ng mga residente sa tuwing bumubuhos ang matinding ulan na nagdudulot para malaking pagbaha sa kanilang lugar na nagmumula sa Luyang River.

Nagpahayag naman ng malaking pasasalamat ang mga residente o mga mamamayan ng Munisipalidad ng Carmen dahil sa walang humpay na pagbibigay ng serbisyo ni Frasco para sa kaniyang mga kababayan.