NAGPALABAS ng temporary restraining order (TRO) ang Supreme Court (SC) laban sa Oplan Baklas ng Commission on Elections (Comelec).

Sa isang en banc resolution, inutusan ng SC ang Comelec na itigil ang pagbabaklas ng mga campaign poster na lagpas ang sukat sa kanilang itinakda kahit ito ay nasa isang pribadong lugar.

Pinagsusumite rin ng SC ang Comelec ng komento sa petisyong inihain laban dito sa loob ng 10 araw.

Nagrereklamo ang mga kandidato kaugnay ng pagbaklas umano ng mga poster na ikinabit ng kanilang mga suporter sa mga pribadong lugar.

Ni HECTOR LAWAS