Bilang acting member ng Board of Directors ng PCSO

ITINALAGA ni Pangulong Ferdinand “Bongbong” Marcos Jr. ang sikat na Filipino singer na si Imelda Papin bilang acting member ng Board of Directors ng Philippine Charity Sweepstakes Office.
Base sa Facebook post ng Presidential Communications Office (PCO), mismong kay Pangulong Marcos nanumpa si Papin kahapon, Hunyo 4 sa Malakanyang.

Kasama ni Papin ang kanyang pamilya.

Sumikat si Papin sa kantang “Isang Linggong Pag-ibig,” “Bakit” at iba pa.

Nagsilbi rin si Papin bilang vice governor ng Camarines Sur.