ARESTADO ang tatlong Indonesian na maglalabas umano ng mga panabong sa Sarangani Bay ng walang kaukulang papeles.

Napansin umano ng mga nagpapatrolyang tauhan ng Philippine Coast Guard (PCG) ang isang motorbanca na walang ilaw.

Nang lapitan ay nakita ng PCG ang mga lulan nitong panabong, poultry feed, at mga gamot at bitamina ng manok.

Hinuli sina Bura Wangka, 36, operator ng motorbanca, Zaidunin Makahiking, 38, at Maman Bawimbang, 28, ng walang maipakitang papeles para sa kanilang mga dadalhin sa Indonesia.