𝗢𝗣𝗧𝗜𝗠𝗜𝗦𝗧𝗜𝗞𝗢 𝘀𝗶 𝗢𝗙𝗪 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗮𝗿𝗶𝘀𝘀𝗮 “𝗗𝗲𝗹 𝗠𝗮𝗿” 𝗣. 𝗠𝗮𝗴𝘀𝗶𝗻𝗼 𝗻𝗮 𝗺𝗮𝘀 𝗺𝗮𝗿𝗮𝗺𝗶 𝗽𝗮𝗻𝗴 𝗢𝘃𝗲𝗿𝘀𝗲𝗮𝘀 𝗙𝗶𝗹𝗶𝗽𝗶𝗻𝗼 𝗪𝗼𝗿𝗸𝗲𝗿𝘀 (𝗢𝗙𝗪𝘀) 𝗮𝗻𝗴 𝗺𝗮𝗯𝗶𝗯𝗶𝗴𝘆𝗮𝗻 𝗻𝗴 𝗺𝗮𝗴𝗮𝗻𝗱𝗮𝗻𝗴 𝗼𝗽𝗼𝗿𝘁𝘂𝗻𝗶𝗱𝗮𝗱 𝘀𝗮 South Korea 𝗽𝗮𝗿𝗮 𝗺𝗮𝗸𝗮𝗽𝗮𝗴𝘁𝗿𝗮𝗯𝗮𝗵𝗼.

Ayon kay Magsino, itinuturing nito bilang isang “greener pasture” o hitik sa maraming oportunidad ang South Korea kaya malaki ang posibilidad na maraming OFWs ang makakakuha ng magandang trabaho dito.

Ipinaliwanag ni Magsino na maganda ang nakikita niyang kapalaran para sa libo-libong Pilipino na naghahangad magtrabaho sa South Korea. Ang nasabing bansa ang isa sa mga sumisikat o umaangat bilang “friendly destination” para sa mga Pinoy na naghahanap ng trabaho sa abroad.

Sabi ni Magsino, ang ilan sa mga dahilan para tanghalin ang South Korea bilang bagong “greener pasture” ay ang mataas na living standards nito, pagbibigay ng mataas na sahod kabilang na dito ang mga nakaka-engganyong kultura ng nasabing bansa.

Sinabi ng kongresista na inihahanda na ang pagpapadala ng tinatayang nasa 100 Filipina para magtrabaho sa Seoul, South Korea bilang mga caregivers.

Ayon pa kay Magsino, tiniyak o ginarantiyahan naman ng gobyerno ng South Korea na mabibigyan nila ng kaukulang proteksiyon at mapapangalagaan nila ang 100 Filipina gaya ng proteksiyon na ibinibigay nila sa kanilang mga kababayang manggagawa o Korean national workers.

“We are happy that the Philippine government is prepared to send more workers to Korea under these improved working conditions. With these advantage in place. I believe more Filipinos would be drawn to work here,” sabi ni Magsino.

Nagpamahagi si Magsino ng tulong para sa 333 benepisyaryo sa pamamagitan ng Assistance to Individials in Crisis Situation (AICS) sa tulong ng Department of Social Welfare and Development (DSWD).