𝗜𝗣𝗜𝗡𝗔𝗞𝗜𝗧𝗔 𝗻𝗶 𝗢𝗙𝗪 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗮𝗿𝗶𝘀𝘀𝗮 “𝗗𝗲𝗹 𝗠𝗮𝗿” 𝗣. 𝗠𝗮𝗴𝘀𝗶𝗻𝗼 𝗻𝗮 𝗵𝗶𝗻𝗱𝗶 𝗹𝗮𝗺𝗮𝗻𝗴 𝘀𝗮 𝗺𝗴𝗮 𝗢𝘃𝗲𝗿𝘀𝗲𝗮𝘀 𝗙𝗶𝗹𝗶𝗽𝗶𝗻𝗼 𝗪𝗼𝗿𝗸𝗲𝗿𝘀 (𝗢𝗙𝗪𝘀) 𝗻𝗮𝗸𝗮𝘁𝘂𝘁𝗼𝗸 𝗮𝗻𝗴 𝗸𝗮𝗻𝗶𝘆𝗮𝗻𝗴 𝗮𝘁𝗲𝗻𝘀𝗶𝘆𝗼𝗻 𝗯𝗮𝗴𝗸𝗼𝘀 𝗺𝗮𝗴𝗶𝗻𝗴 𝘀𝗮 𝗺𝗴𝗮 𝗺𝗮𝗵𝗶𝗵𝗶𝗿𝗮𝗽 𝗻𝗮 𝗲𝘀𝘁𝘂𝗱𝘆𝗮𝗻𝘁𝗲 𝗿𝗶𝗻 𝗻𝗮 𝘄𝗮𝗹𝗮𝗻𝗴 𝗸𝗮𝗸𝗮𝘆𝗮𝗵𝗮𝗻𝗴 𝗺𝗮𝗸𝗮𝗽𝗮𝗴𝘁𝗮𝗽𝗼𝘀 𝗻𝗴 𝗸𝗮𝗻𝗶𝗹𝗮𝗻𝗴 𝗽𝗮𝗴-𝗮𝗮𝗿𝗮𝗹.

Pinangunahan ni Magsino ang pamamahagi ng scholarship assistance para sa sampung estudyante mula sa iba’t-ibang kolehiyo at unibersidad.

Ipinaliwanag ni Magsino na bukod sa mga OFWs, ang isa rin sa kaniyang mga adbokasiya ay ang matulungan ang libo-libong mag-aaral na walang kakayahang makapag-aral dala ng matinding kahirapan.

Ayon kay Magsino, nakahanda ang OFW Party List na umagapay sa mga estudyante sa kolehiyo at unibersidad sa National Capital Region (NCR) para maipagpatuloy nila ang kanilang pag-aaral sa harap ng kanilang kahirapan.

Sabi pa ng mambabatas na ang pamimigay nila ng scholarship assistance para sa mga mahihirap na estudyante ay nakapaloob sa programa ng OFW Party List katuwang ang Commission on Higher Education (CHED) sa pamamagitan ng Student Monetary Assistance for Recovery and Transition (SMART).

Dagdag pa ni Magsino na layunin ng kanilang programa na mabigyan o makatanggap ang bawat mag-aaral ng nasa tinatayang P25,000 bilang pangdagdag at pangtustos sa kanilang pag-aaral.

Tiniyak din ni Magasino na magtutuloy-tuloy ang nasabing programa ng OFW Party List upang marami pang estudyante ang kanilang matulungan.