MAHIGIT walong milyong Pilipino na ang nabigyan ng Philippine Identification cards ng Philippine Statistics Authority (PSA).

Ayon kay PSA Assistant Secretary Rosalinda Bautista umabot na sa 8,176,454 ID cards ang naihatid na sa mga nag-apply.ito ay 24.2 porsyento umano ng target na 33.8 milyong Pilipino na mabigyan ng PhilID ngayong taon.

Katuwang ng PSA sa proyekto ang Philippine Postal Corporation at Bangko Sentral ng Pilipinas (BSP).

Nagbabala naman ang PSA sa mga nakatanggap na ng PhilID na huwag i-post sa social media ang kanilang ID upang maproteksyunan ang kanilang mga personal na impormasyon.