CAMP BGen Vicente Lim–Arestado ang isang 21-anyos na binatang lalaki dahil sa 140 na gramo ng hinihinalang shabu na may halagang P952,000 sa Brgy. Dolores, Taytay, Rizal noong Lunes.

Ang suspek, si alyas Jayson, natimbog bandang alas-12:27 ng madaling araw, ayon sa mga pulis.

Nakumpiska ng mga awtoridad ang ilang gamit sa suspek, kabilang ang isang sling bag, digital weighing scale, at buy-bust money.

Dinala ang naarestong suspek kasama ang mga nakuhang ebidensya sa Rizal Provincial Forensic Unit para sa laboratory examination.

Nakakulong sa Taytay police custodial facility ang suspek habang inihahanda ang kasong paglabag sa RA 9165 (Comprehensive Dangerous Drugs Act of 2002).