KINILALA ni United States President-elect Donald Trump ang mensahe ng pagbati ni Pangulong Ferdinand “Bongbong” Marcos Jr. sa kanyang pagkakapanalo kontra kay US Vice President Kamala Harris.

Ayon kay US Ambassador to the Philippines Jose Manuel Romualdez, nagpasalamat si Trump kay Pangulong Marcos.

“President Trump has won, and the American people triumphed, and I congratulate them for their victory in an exercise which showed the world the strength of American values,” bahagi ng mensahe ni Pangulong Marcos.

Ayon pa kay Romualdez, sa ngayon ay hindi pa tiyak kung mag iimbita ng ibang lider ng mga bansa ang transition team ni Trump para sa kanyang inagurasyon.

Si Trump, 78, ay muling nanalo matapos makuha ang higit sa 270 Electoral College votes na kailangan para manalo sa pagka-pangulo.