WALANG loyalty check na ginagawa si Pangulong Ferdinand “Bongbong” Marcos Jr. sa hanay ng Armed Forces of the Philippines (AFP) at Philippine National Police (PNP).

Ayon sa pangulo, itinuturing niyang “stupid question” lang kung magkakaroon siya ng loyalty check dahil hindi niya alam kung paano gawin ito bukod pa na sa media niya lang ito naririnig.

Ibinigay ni Pangulong Marcos ang pahayag matapos ang banta ni Vice President Sara Duterte na ipapapatay ang punong ehekutibo.

Katunayan, sinabi ni Pangulong Marcos na hindi niya alam ang termino na loyalty check at kung paano ginagawa sa PNP at AFP.

“Hindi ko naiintindihan ang term na ‘yan because I don’t know how you conduct a loyalty check. At least not when you call a command conference. Because in the military, the police, we don’t have that,” pahayag ni Pangulong Marcos.

“Wala kaming ganoon, I only hear about it in the media. So I was just wondering how do you define a loyalty check? Anyway, it’s just a stupid question,” sabi ng Pangulo.