BINUKSAN ni First Lady Liza Marcos ang Walang Gutom Kitchen Program ng Department of Social Welfare and Development (DSWD) sa Pasay City.

Mismong si First Lady Liza Marcos ang nagbigay ng pagkain sa mga benepisyaryo ng programa.

Target ng Walang Gutom Kitchen na tuparin ang pangako ni Pangulong Ferdinand “Bongbong” Marcos Jr. na wakasan ang gutom sa bansa.

Ang Walang Gutom Kitchen sa Pasay City ay dating Philippine offshore gaming operator (POGO) hub na ginamit ng DSWD.

“What was once a POGO hub in Pasay has been transformed into a beacon of hope—a place of nourishment and opportunity for our street families, thanks to the DSWD’s Walang Gutom Program,” saad ng Unang Ginang sa kanyang Instagram post.

“A huge thank you to our private sector partners for their generous contributions to the food bank. Together, we can prove that compassion and action can replace illegal and harmful activities,” pahayag ni First Lady Liza Marcos.

Sinabi naman ni DSWD Secretary Rex Gatchalian na target ng kanilang hanay na palawakin pa ang programa at buksan sa ibang lugar.

Dito ay gagawing food bank ang nasabing kusina at bibigyan ng pagkain ang kahit sinong nagugutom.

Manggagaling naman ang pagkain mula sa donasyon ng mga restaurants, hotel, fast food at iba pa.