CABUGAO, Ilocos Sur–Pumanaw na noong Lunes na gabi si dating governor, dating congressman at Department of Agriculture Undersecretary Deogracias “DV” Savellano sanhi ng abdominal aneurysm sa edad na 65.

Kinumpirma ang pagkamatay ni Savellano ni Vice Gov. Ryan Singson, manugang ng namayapa.

Ikinagulat ng mga taga-Ilocos Sur ang pagkamatay ng opisyal at bumuhos ang pakikiramay ng mga kamag anak, kaibigan, kasamahan sa gobyerno ang biglaang pagpanaw ng DA undersecretary for livestock.

Si Savellano ang asawa ng aktres na si Dina Bonnevie.

Noong 2019, naging deputy speaker siya ng Kamara de Representantes at noong July 31, 2023 itinalaga siya ni Presidente Ferdinand Marcos Jr. bilang undersecretary for livestock ng DA.