HINDI nababago ang opinyon ni Pangulong Ferdinand “Bongbong” Marcos Jr. kaugnay sa impeachment case kay Vice President Sara Duterte.

Pahayag ito ni Executive Secretary Lucas Bersamin nang tanungin isang araw matapos ang National Prayer ng Iglesia ni Cristo kung may epekto ito sa desisyon ni Pangulong Marcos.

“The President’s position on the impeachment move in the HoR has not changed,” pahayag ni Bersamin.

Una nang sinabi ni Pangulong Marcos na pag-aaksaya lamang ng panahon ang pagpapatalsik kay Duterte.

Iginiit pa ni Pangulong Marcos na hindi rin naman mababago ang buhay ng Filipino kung mapapatalsik sa puwesto si Duterte.

Tatlong impeachment cases laban kay Duteete ang nakabinbin ngayon sa Kamara.