TALAVERA, Nueva Ecija–Arestado ang dalawang vendors sa bayang ito na naaktuhang nagdidiskarga mula sa kanilang van ng umano’y mga pekeng sigarilyo na nagkakahalaga ng P55,000 noong Martes.

Kinilala ni Lt. Col.Marlon Cudal, hepe ng pulisya ng bayan, ang dalawang suspek na edad 38 at 29.

Namataan ang dalawa ng mga pulis habang nagpapatrulya sa Brgy. Matias dakong alas-3:20 ng umaga.

Nahuli sila sa akto habang nagdidiskarga mula sa puting Nissan Urvan (JJ779A) ng apat na kahon ng pekeng Cannon Menthol na may halagang P55,000.

Nakakulong na ang dalawang suspek at nahaharap sa kasong paglabag sa Republic Act 8293 (Intellectual Property Code of the Philippines).