BINIGYANG DIIN ni House Assistant Majority Leader at Quezon City 5th Dist. Rep. Patrick Michael “PM” D. Vargas ang kaniyang paninindigan at commitment na tulungan ang mga Pilipino na maging hitik sa kaalaman sa larangan ng skills at competencies.

Sinabi ni Vargas na ito ang kaniyang “target” ang maging hitik ang talento ng mga Pilipino sa darating na hinaharap sa larangan ng skills at competencies sa gitna ng pagpasok at hamon ng tinatawag na “technological evolution” sa kasalukuyang panahon.

“Empowering Filipinos through continues education will enable them to adapt, innovative and excel in evolving global landscapes. Hindi na talaga mapipigilan ang pag-usbong ng teknolohiya sa kasalukuyang modernong panahon,” sabi ni Vargas.

Nabatid din kay Vargas na inihain nito sa Kamara de Representantes ang mga panukalang batas na naglalayong mas lalo pang paigtingin ang kakayahan o skills ng mga Pilipino sa larangan ng teknolohiya partikular na para sa mga kabataan.