NAITALA sa katatapos na halalan ang 83 porsyentong voter turnout, ang pinakamataas sa kasaysayan ng bansa.

Ayon sa Commission on Elections (Comelec) bumoto ang 55,549,791 sa 65,745,512 rehistradong botante para sa May 9, 2022 general elections.

Pinuri naman ni Comelec chairman Saidamen Pangarungan ang mga nanalong kandidato at ang mga botante na nagtiyagang naghintay sa pila para sa pagkakataon na makaboto.

Noong 2016 presidential election, ang voter turnout ay 81.95 porsyento.