MAGTATAAS muli ng 95 sentimos kada litro ang diesel, 60 sentimos ang gasolina at 30 sentimos kada litro naman ang kerosene epektibo sa Martes ng umaga.

Sa magkakahiwalay na abiso ng Petron Corporation, Pilipinas Shell, Chevron Philippines, Seaoil Philippines, at Flying V. ipatutupad nila ang magkakaparehong pagtaas ng mga produktong petrolyo simula alas-6:01 ng umaga ng Martes.

Maging ang PTT Philippines, Total Philippines, Petro Gazz, Unioil Philippines, Phoenix Petroleum, at Eastern Petroleum nag-anunsiyo na rin ng kaparehas na dagdag presyo ng kanilang diesel at gasolina ng alas-6:00 ng umaga.

Ito na ang ika-apat na linggong sunod-sunod na pagtataas sa halaga ng gasolina mula noong nakaraang buwan.