NALAMBAT ng mga operatiba ng Manila Police District (MPD) ang lalaking suspek sa panggagahasa sa 13-anyos na dalagita noong 2018 sa Bambang St., Tondo Manila noong Sabado na pitong taon nagtago bago natiklo.

Ayon sa ulat ni Police Major Kevin Rey Bautista, hepe ng District Police Intelligence Operation Unit (DPIOU) sa ilalim ni Police Lieutenant Colonel Robert Sales, nakilala ang suspek na si alyas Niño.

Natunton ang akusado sa Nepoville basketball court sa Purok 4B, Brgy. Anonas, Angeles City, Pampanga.

Inaresto ang suspek sa bisa ng arrest warrant na ipinalabas ng Regional Trial Court Branch 48 ng Manila sa kasong statutory rape.