DAHIL hindi nagustuhan ang gupit sa kanya, sinaksak ng 27-anyos na suspek sa pisngi ang barbero na gumupit sa kanya sa Brgy. Pasong Tamo, Quezon City noong Lunes.

Nilalapatan pa ng lunas ang biktima matapos magtamo ng saksak bandang alas-12:00 ng tanghali, ayon sa report.

Ayon sa biktima, nagpagupit ang suspek ng faded-style cut.

Pagkatapos niyang gupitan, bumalik umano ang suspek makaraan ang 30 minuto at bigla na lang siyang sinaksak sa pisngi.

Tumakas ang suspek ngunit naaresto ng mga miyembro ng Quezon City Police District station 14.