IMUS CITY, CAVITE–Patay ang 70-anyos na lolo matapos ma-trap sa kanilang nasusunog na bahay noong Biyernes sa Brgy. Buhay na Tubig sa syudad na ito.

Kinilala ang nasawi na si alyas Eduardo.

Sumiklab ang sunog sa bahay ng biktima dakong alas-12:38 ng hatinggabi habang natutulog ang mga residente.

Mabilis na kumalat ang apoy at umabot sa 19 na bahay ang naging abo at 19 na pamilya ang nawalan ng tirahan.

Hindi na nakalabas ng nasusunog na bahay ang biktima dahil sa edad nito at nalagutan ng hininga dahil sa matinding usok.

Iniimbestigahan na ang sunog sa Cavite na posibleng dahil sa faulty electric wiring.