MULING bubuksan ng Commission on Elections (Comelec) ang pagrerehistro sa mga botante na nais makaboto sa Barangay and Sangguniang Kabataan Elections (BSKE) sa Disyembre.

Ang pagrerehistro ay gagawin mula Hulyo 4 hanggang 23 lamang, ayon kay Atty. John Rex Laudiangco, spokesman ng Comelec.

Bukas umano ang mga tanggapan ng Comelec mula alas-8 ng umaga hanggang 5 ng hapon mula Lunes hanggang Sabado kasama ng holiday.

Ang mga edad 15 na sa Disyembre 5 ay maaari ng magparehistro upang makaboto sa SK elections.

Ang mga edad 18 na sa Disyembre 5 ay maaari namang bumoto sa barangay elections.