NANAWAGAN si House Minority Leader Marcelino “Nonoy” Libanan sa mga mambabatas na igalang ang dignidad ng Office of the President at tutulan ang mga panukala na isalang sa mandatory drug test ang pinakamataas na lider ng bansa.

Ginawa ni Libanan ang panawagan matapos magsumite si Senator Robin Padilla ng panukalang batas na naglalayong isailalim sa taunang drug test ang Pangulo at iba pang opisyal ng pamahalaan—isang panukalang lumabas ilang araw lamang matapos lumabas ang ulat na gumamit ng marijuana ang isang staff ng senador.

“The timing speaks volumes. Instead of cleaning up his own backyard, somebody is trying to deflect attention by dragging the Office of the President into a spectacle. The presidency is not a stage for gimmicks or stunts,” ani Libanan.

Binigyang-diin ni Libanan na ang kanyang pagtutol ay hindi upang protektahan ang sinumang indibidwal, kundi upang pangalagaan mismo ang institusyon.

“Whoever sits as President—past, present, or future—must be spared from the indignity of being forced to undergo a drug test. To subject the presidency to such procedures diminishes not just the occupant but the very office itself,” pahayag ni Libanan.

Ipinaalala ng Minority Leader na malinaw nang itinatakda ng Konstitusyon ang mga kwalipikasyon para sa pagkapangulo, na tinitiyak na tanging ang may napatunayang kakayahan, tamang paghusga at moralidad lamang ang maaaring humawak ng posisyon.

“Our democratic institutions, particularly Congress, must preserve the dignity of the presidency regardless of who occupies it. Undermining that dignity weakens public trust and destabilizes the system we are sworn to protect,” aniya.

Nagbabala si Libanan laban sa pagbabalewala sa kahalagahan ng pagkapangulo, na aniya ay maaaring magdulot ng kahihiyan sa Pilipinas sa harap ng pandaigdigang komunidad.

Hinikayat pa niya ang mga mambabatas na ituon ang pansin sa mas mahahalagang suliranin ng bansa.

“Let us not waste time on distractions. We should be fixing the economy, lowering the cost of living, creating jobs, and protecting our communities from floods and disasters. These are the issues that truly demand leadership—not hollow theatrics,” dagdag pa ni Libanan.