KUMPIYANSA ang Philippine Football Federation (PFF) na magbibigay ng positibong impact sa paglago ng futsal ng bansa ang nalalapit ng hosting ng unang FIFA Futsal Women’s World Cup na magaganap sa November 21-December 7 sa Pasig City at VIctorias City, Negros Occidental.

Tatlong buwan bago ang pagbubukas ng inaugural edition ng World Cup, inihayag ng PFF ang kanilang ginagawang paghahanda upang masiguro na magiging successful ang hosting nito.

“Its really a big milestone for women’s sports that finally we would have World Cup. Were very excited and thankful for FIFA for given this opportunity to host. Were very excited and we are on time on all preparations and closely working with FIFA with meetings almost everyday on updates and certain developments on training venues getting up to par with FIFA standards,” pahayag ni PFF President John Gutierrez sa lingguhang Philippine Sportswriters Association Forum na ginanap sa Rizal Memorial Sports Complex sa Manila.

Labing-anim na koponan ang pasok sa unang World Cup na kinabibilangan ng mga teams-to-beat countries gaya ng Spain, Italy, Brazil, Thailand at Canada at ang host Philippines, na binubuo ng mga decorated futsal at football players mula sa national pool na tatawaging “Filipinas5”.

Kinokonsidera na ngayon ng Filipina5 squad ang foreign training camp bago ang kompetisyon na magsisilbi ring isa sa mga tune-up tournaments para sa 2025 SEA Games campaign sa Thailand.

“The training has been ongoing, there are number of facilities that are utilizing just to be able to test them in terms of readiness. We plan to send the ladies to Japan by mid or late September and we could possible host an European country during the FIFA window,” dagdag ni Gutierrez.

Patuloy pa rin na naka-monitor ang PFF at FIFA sa magiging developments ukol sa partnership nila sa mga host cities.

“All these real time updates are transmitted in FIFA and were still looking at the venues. Unless any major changes which is come by FIFA side, we are ready (even a possible volcano activity is imminent) and they don’t depend on input and inflow on Mt. Kanlaon,” pahayag niya.

Kinumpirma din ni FIFA FWWC Local Organizing Committee Government Relations Head Belay Fernando na magaganap na sa September 15 sa BGC Arts Theater sa Taguig City ang official drawing of lots.

Nagpasalamat din ang PFF sa suporta ng Pangulong Ferdinand R. Marcos, Jr. para sa pagbuo ng administrative task force na bubuiin ng mga government agencies na nakatutok sa hosting ng nasabing tournament.

“Regarding sa preparations, we wanna thank the President for granting us the AO 35 and just last week, we have the first meeting of the task force kung saan kasamang agencies ay tasked na i-guide kami sa protocol at ang Department of Tourism also do help us the best hospitality for the delegates to welcome them”, ipinunto ni Fernando.

Patuloy din ang pagtanggap ng mga volunteers para magsilbi sa iba’t ibang tasks para sa hosting ng FIFA Futsal Women’s World Cup sa pamamagitan ng pagbisita sa https://volunteer.fifa.com/invite/FFWWC2025. By Gab Ferreras