DUMALO si Tingog Party-list Rep. Jude Acidre, chairperson ng House committee on higher and technical education at miyembro ng Armed Forces of the Philippines (AFP) Multi-Sector Governance Council (MSGC), sa ikatlong regular na pulong ng konseho nitong Lunes sa Kamara de Representantes sa Quezon City.

Pinangunahan ni Francisco del Rosario, Jr., chairperson ng AFP MSGC, ang pagpupulong kasama si General Romeo Brawner Jr., chief of staff ng AFP at MSGC co-chairperson.

Dumalo rin sa pagpupulong sina MSGC members Rex Drilon II, Gen. Emmanuel Bautista (Ret), Rommel Gavieta, Bishop Noel Pantoja, Bai Rohaniza Sumndad-Usman, Hon. Isidro Ungab, Atty. Alexander Cabrera, Prof. Victor Andres Manhit, Prof. Jay Batongbacal, Atty. Michael Toledo at Ms. Jannette Chavez-Arceo.

Sa kanyang ulat sa Legislative Affairs Committee, tinukoy ni Acidre ang apat na prayoridad na reporma upang mapalakas ang AFP:

• ang Comprehensive AFP Act, upang iayon at pag-isahin ang mga umiiral na batas militar at tiyaking nakakasabay ang batas sa patuloy na nagbabagong tungkulin ng AFP;

• ang Comprehensive Veterans Benefit System, na magpapalawak ng suporta kabilang ang healthcare, pabahay, scholarship para sa mga dependents, at tulong pangkabuhayan;

• ang modernisasyon ng Reserve Officers’ Training Corps (ROTC) sa pamamagitan ng mga specialized tracks gaya ng Cyber ROTC, na magbibigay-daan sa mga estudyanteng may kakayahan sa IT at cybersecurity na direktang makapag-ambag sa pambansang depensa; at

• mga reporma sa government legal services, partikular sa AFP – upang maisaayos ang mga legal services ng pamahalaan at makabuo ng mas matatag at mas propesyonal na corps ng mga military legal officers.

Ibinahagi rin niya ang mga susunod na hakbang, kabilang ang pag-iimbentaryo ng mga umiiral na batas na may kaugnayan sa militar, consensus-building sa Kongreso, mas malapit na pakikipagtulungan sa pagitan ng mga mambabatas at AFP, aktibong partisipasyon ng legislative staff sa drafting, at ang paglikha ng makatotohanang timeline at monitoring mechanism.

“As legislators, we are not only expected to respond to present needs; we are expected to anticipate future challenges. The AFP is constantly evolving, and so must the laws that guide and support it. If we fail to act, the risks are not theoretical – they translate into vulnerabilities in national security, in the welfare of personnel, and in the trust of the people,” ani Acidre.

Nagtapos ang quarterly meeting sa pamamagitan ng mga committee updates, open forum at mga mensahe mula sa pamunuan ng AFP.