LIMANG banyaga ang naaresto ng Philippine National Police Criminal Investigation and Detection Group (PNP-CIDG) sa iba’t ibang drug operations sa bansa.

Sinabi ni PNP-CIDG director Major General Robert Alexander A. Morico II na tatlo sa naaresto ang Korean nationals dahil sa large-scale fraud sa South Korea.

Nakilala ang tatlong Koreans na sina Kim, 43; Jung, 44; at Yousong, 44, na naaresto ng CIDG operatives at Bureau of Immigration officers sa Parod Hills, Brgy. Pardo, Cebu City noong Huwebes.

Sinasabing miyembro ng fraud syndicate sa Korea ang tatlo na lumabag sa batas nila na Act on the Aggravated Punishment of Specific Economic Crimes and the Criminal Act of the Republic of Korea.

Sangkot ang tatlo sa pagpalsipika ng dokumento para makabili ng 2nd hand/pre-owned motor vehicles mula September 22 hanggang February 2024.

Umabot sa 66 car loans sa 10 financial institutions sa Korea ang nagawa ng tatlo at kumita ng tinatayang P241.2 billion.

Inaresto din ang dalawang Chinese nationals dahil sa medical malpractice sa Taguig City.

Naaresto sina Zhang at Cong ng mga miyembro ng CIDG-Anti-Organized Crime Unit sa loob ng Rise Salon and Spa sa Fort Palm Spring sa 1st Avenue, Taguig City noong Sabado.

Huli sa akto ang dalawa na nagi-inject ng facial substance sa isang pasyente pero walang license, permits or registration mula sa sinumang proper Philippine authorities.

Nasamsam mula sa dalawa ang mga vials ng injectable substance, cosmetic products, hair removal machine, magnetic therapy machine at related equipment.

Mahaharap ang dalawa sa paglabag sa RA 2382 (The Medical Act of 1959) dahil sa illegal practice of medicine.