ITINUTULAK ni House Speaker Faustino “Bojie” G. Dy III ang kahalagahan ng paggamit ng “nuclear energy” dahil sa pagkakaroon ng murang halaga ng kuryente na magiging hakbang sa pag-unlad ng bansa.

Ang pahayag ng House Speaker ay kaugnay sa naganap na pakikipag-pulong nito kay International Atomic Energy Agency (IAEA) Director General Rafael Mariano Grossi para mas maging malinaw at lubos na maunawaan ang papel ng nuclear energy na magdudulot ng malaking pakinabang sa pangangailangan ng Pilipinas sa enerhiya.

“For many of us in the House of Representatives, nuclear energy is an area where we want to deepen our knowledge and understanding, and I want to say honestly and humbly. We need to come up with solutions to address the energy problema of our country,” pahayag ni Speaker Dy.

Sinabi din ni Dy na bilang mamamayan ng Isabela na bahagi ng Northeastern part ng Luzon, sila din ay nahaharap sa mga problema ng kuryente sa kanilang lugar, kung saan bukod sa napakamahal na ng singil ay hindi pa ito maaasahan dahil sa pamin-minsang pagba-brownout.

Pagbibigay diin ni Speaker Dy na dahil sa pangyayaring ito, ang pag-unlad ng bansa at ilang lugar sa Pilipinas ay nadidiskaril dahil kawalan ng sapat na supply ng kuryente na lalong nagpapahirap sa mga ordinaryong mamamayan.

“As someone who comes from the Northeastern part of Luzon, I see firtshand the same challenges faced accross the Philippines, power is insufficient, power is expensive and power is not always available when our people need it most. These realities limit growth, discourage investments and burden ordinary families,” sabi pa ng House Speaker.

Kasabay nito, naglabas naman ng manifesto ang mga kasapi ng Party-List Coalition Foundation Inc. (PCFI) para ipahayag ang kanilang suporta para kay Speaker Dy.

“As the collective voice of the Party-List representatives advocating marginalized and underrepresented sectors of our nation, the PCFI values leadership that promotes inclusivity, stability and genuine collaboration,” nakasaad sa manifesto ng PCFI.