ANGELES CITY–Naaresto ng mga awtoridad ang isang Korean national at kasama niyan Filipina sa anti-illegal drug operation na nagresulta rin sa pagsamsam ng ketamine, ecstasy, liquid ecstasy at marijuana vapes na nagkakahalaga ng mahigit P351,000 noong Miyerkules.

Nakilala ang mga nahuli na sina alyas Robin, 22, isang Korean national, at Joe, 30, na naaresto sa Arayat Boulevard malapit sa Maganda Hotel sa Brgy. Pampang.

Nasamsam mula sa mga suspek ang 30 gramo ng ketamine, 100 tableta ng ecstasy, isang bote ng liquid ecstasy at ilang marijuana vapes na may kabuuang halagang P351,300.

Sasampahan sina Cho at Almazan ng kaso dahil sa paglabag sa RA 9165 (Comprehensive Dangerous Drugs Act of 2002).