APALIT, Pampanga–Nahuli ng pinagsanib na pwersa ng Apalit at Tumauini police ang 22-anyos na lalakin suspek sa panghahalay noong Huwebes sa Tumauini, Isabela.

Kinilala ni Apalit police chief P/Lt. Col. German Pascua ang suspek na si alyas Ian.

Inaresto ang suspek sa bisa ng warrant of arrest para sa kasong rape na inisyu ng Regional Trial Court Branch 55, Macabebe, Pampanga.

Pinangunahan ni Lt. Col. Pascua ang pag-aresto sa suspek.

Sa pakikipag-ugnayan sa Tumauini Police sa Isabela, natukoy ng mga awtoridad ang kinaroroonan ng suspek na nagresulta sa kanyang agarang pagkakaaresto.