TIMBOG ang umano’y miyembro ng Dawlah Islamiya-Nilong Group, isang terror group, nang dumating sa bansa galing ng Long Angeles, California, USA, Miyerkules ng umaga sa NAIA Terminal 1.

Pinagsanib na puwersa ng Philippine National Police Aviation Security Group (PNP AVSEGROUP), Intelligence Group (IG), National Bureau of Investigation (NBI), at Federal Bureau of Investigation (FBI) ang umaresto sa 37-anyos na kelot habang nasa Immigration Arrival Area ng NAIA Terminal 1dakong alas-5:43 ng umaga.

Kaagad na binasahan ng kanyang karapatan ang akusadong Filipino citizen nang isilbi sa kanya ng mga awtoridad ang warrant of arrest na inilabas noong Hulyo 1 2025 ng Regional Trial Court (RTC) ng General Santos City para kasong multiple counts ng Frustrated Murder.

Sa custodial facility ng NBI dinala ang akusado para sa wastong disposisyon at karagdagang legal na paglilitis.

“The PNP Aviation Security Group remains relentless in tracking down wanted individuals and steadfast in safeguarding our nation’s major airports against criminality and terrorism by continuously strengthening intelligence-sharing, interoperability, and decisive action to ensure safe and secure gateways for all law-abiding Filipino and foreign traveler,” pahayag ni AVSEGROUP Director P/BGen. Dionisio Bartolome Jr. Nina EDD REYES & ZAIDA DELOS REYES