NAGTAPOS nitong Miyerkules ang ika­tatlong araw ng libreng sakay program sa Laguna na nagbigay ginhawa sa mga commuter na apektado ng transport strike.

Ang inisyatibang ito ng pamahalaang panlalawigan ng Laguna sa pangunguna ni Gobernador Sol Aragones ay naglalayong matulungan ang mga walang sariling sasakyan upang makarating sa kanilang destinasyon.

Napatunayang epektibo ang Libreng Sakay sa pagtugon sa kakulangan ng masasakyan sa panahon ng strike, dahil mas napapabilis nito ang biyahe ng mga pasahero.

Unti-unti na ring bumabalik ang pasada ng ilang jeep at bus, kaya bahagyang gumagaan ang sitwasyon sa kalsada.