CAMP VICENTE L8M, Calamba City— Nagsagawa noong Sabado ang Police Regional Office 4A ng seminar sa Strategic Initiatives at Legal Framework sa Pag-iwas sa Paglabag sa Integridad ng Pera.

Speaker sa aktibidad si Armida Superales-Artango, acting senior investigation officer ng Bangko Sentral ng Pilipinas (BSP).

Sa talakayan, inilahad ng Payments and Currency Investigation Group ang mga prosesong pang-intelihensiya na sangkot sa pagtugon sa pamemeke ng pera at iba pang isyung nakaaapekto sa integridad ng salaping Pilipino.

Binigyang-diin ang kahalagahan ng koordinasyon at kooperasyon ng mga ahensiya ng pamahalaan sa imbestigasyon, pangangalap ng intelihensiya at pag-uusig, katuwang ang Philippine National Police (PNP).

Dinaluhan ang event ni Officer-in-Charge Deputy Regional Director for Administration PCol. Glenn Lonogan, hepe ng RETD, at humigit-kumulang sa 50 kalahok mula sa iba’t-ibang unit ng PRO 4A.