CAMP OLIVAS, San Fernando, Pampanga–Dalawang pinaniniwalaang drug suspek ang naaresto at nakumpiskahan ng tinatayang P6.8 milyong halaga ng shabu sa Mabalacat City, Pampanga noong Mayo 2.

Kinilala ni Mabalacat police chief Lt. Col. Efren David ang mga suspek na sina alyas Kuya at Panggay.

Isinagawa ang operasyon katuwang ang Pampanga 2nd Provincial Mobile Force Company at Philippine Drug Enforcement Agency Regional Office 3.

Nasamsam mula sa dalawang suspek ang hindi bababa sa isang kilo ng shabu na tinatayang P6.8 milyon ang halaga, kalibre .45 na baril, isang magasin at apat na bala.

Pinuri ni PBGen. Jess Mendez, hepe ng PRO 3, ang mga operatiba sa matagumpay na operasyon.

Ang dalawang suspek ay nasa kustodiya na ng pulisya at haharap sa kasong paglabag sa Comprehensive Dangerous Drugs Act of 2002.