LIBU-libong drug suspek ang naaresto at milyun-milyong halaga ng ebidensya ang nakumpiska ng Police Regional Office 4A sa pamumuno ni director P/BGen. Hansel Marantan mula April 1 hanggang April 30.

Sa isinagawang 796 na police operasyon, nakadampot sila ng 982 indibidwal at nakumpiska ang 9,496.39 gramo ng shabu, 1,726.05 gramo ng marijuana, at 130.66 gramo ng kush na may kabuuang halaga na P82,262,568.

Sa kampanya laban sa ilegal na sugal, 1,134 na operasyon ang isinagawa at nakaaresto ng 2,705 katao at nakasamsam ng P468,791 na taya.

Sa operasyon laban sa mga wanted na indibidwal, may 1,147 suspek ang naaresto.

Sa kampanya kontra loose firearms, 139 operasyon ang isinagawa at nakadampot ng 86 indibidwal at nakarekober ng 202 na baril.