NAGKASUNDO umano ang Pilipinas at France na palakasin ang partnership ng mga ito kaugnay ng low-carbon energy, food security, defense, at people-to-people ties.

Sinabi ni Pangulong Ferdinand “Bongbong” Marcos Jr. na naka-usap nito sa telepono si French President Emmanuel Macron noong Biyernes. Tumagal umano ang pag-uusap ng dalawa ng 20 minuto.

“We spoke with French President Macron over the phone and agreed to strengthen partnerships in low-carbon energy, food security, defense, and people-to-people ties,” sabi ni Marcos.

Pinuri rin ni Marcos si Macron sa pagpupursige nito ng kapayapaan sa Europa.