NAGLABAS ng pahayag si Awra Briguela at kinondena ang umano’y hindi naaangkop at mapanghamak na komento ng isang propesor mula sa Universidad de Manila.

Ayon kay Awra, tinawag umano siyang “ay babaeng may bxxxt” sa isang social media post — isang pahayag na inilarawan niyang degrading at transphobic.

Iginiit ni Awra na dapat magsilbing huwaran ang mga guro at lumikha ng ligtas na espasyo para sa mga estudyante, hindi maging bahagi ng online bullying at diskriminasyon.

Aniya, “As a professor, you are expected to uphold professionalism, respect, and basic human decency. Educators should serve as role models and create safe spaces for students, not contribute to online bullying, humiliation, and discrimination. What he did was completely unacceptable and disappointing coming from someone in a position of authority.”

Sinabi rin niyang pinag-iisipan niyang pormal na ireport ang insidente sa administrasyon ng paaralan at mangalap ng mga pahayag mula sa iba pang posibleng nakaranas umano ng kaparehong pagtrato.

“Respect should never depend on gender identity, appearance, or personal opinions. Everyone deserves dignity, and no professor should use their platform to publicly shame or degrade another person,” giit ng aktres.