APAT na hinihinalang tulak ang naaresto ng mga pulis matapos mahulihan ng mahigit P1.5 milyon na halaga ng shabu at mataas na kalibre ng baril at bala sa Phase 1D, Brgy. San Jose, Rodriguez, Rizal noong Sabado.

Ang mga naaresto kinilalang sina alyas Mark, Jomar, Jerson at Kooky na nakuhanan ng 40 gramo ng shabu na may standard price na P272,000 at mga sachets pa na may lamang 200 gramo na may standard price na P1,360.000.

Nabawi rin ang isang weighing scale na gamit sa kanilang pagbebenta ng droga.

Dakong alas-2:35 ng madaling araw nang isagawa ang drug operation na may koordinasyon sa Philippine Drug Enforcement Agency.