PATAY ang isang 10-anyos na batang lalaki at sugatan ang dalawang kasamahan niya sa pagsabog sa ilog na kanilang pinaliliguan noong Lunes sa Sitio Danao, Barangay Ganatan, Arakan, Cotabato.

Nakilala ang nasawi na isang Grade 4 pupil.

Isinugod naman sa ospital ang 17-anyos at 8-anyos na kasama nito.

Sa ulat ng Arakan police, naliligo ang mga biktima sa ilog nang biglang may sumabog sa tabi ng mga ito.

Dead on the spot ang bata habang sugatan din ang mga kasamahan nito.

Napag-alaman na ang lugar ay madalas dayuhin ng mga residente hindi lamang para maligo kundi para maglaba na rin ng kanilang mga kasuotan.

Sa ngayon, inaalam na ng mga imbestigador kung ano ang dahilan ng pagsabog.