ARESTADO ang lolong manghihilot na sangkot sa bentahan ng ilegal na droga sa Valenzuela City noong Sabado.

Nasaksihan ni P/Lt. Almario Aviles, 52, nakatalaga sa Directorate for Investigation and Detective Management (DIDM) sa Camp Crame ang transaksyon ng ilegal na droga ng dalawang lalaki ng lumabas ng bahay sa Maya Street, Barangay Ugong, Valenzuela City.

Nang sitahin ng pulis ang dalawa, biglang kumaripas ng takbo ang isa pero napigilan naman niya ang lolong manghihilot na nakuhanan ng 0.5 gramo ng shabu na nagkakahalaga ng P3,400.

Ayon kay Northern Police District (NPD) Director P/BGen. Benliner Capili, mahaharap sa kasong possession of dangerous drugs sa ilalim ng Republic Act 9165 si alyas “Daniel.”