PINURI ni Speaker Martin G. Romualdez si Vice President Sara Duterte sa mga nagawa nito sa unang 100 araw sa posisyon.

Bukod sa pagganap sa kanyang tungkulin bilang ikalawang pinakamataas na lider ng bansa, sinabi ni Romualdez na si Duterte ay naging epektibo ring kalihim ng Department of Education (DepEd).

“As concurrent Secretary of the Department of Education, VP Sara led the DepEd in the historic resumption of face-to-face classes of students nationwide after over two years of lockdown and online schooling, a feat that is very difficult to accomplish,” sabi ni Romualdez.

Pinuri rin ni Romualdez ang mga maka-mahirap na programa na ipinatupad ni Duterte gaya ng libreng sakay, pagpapalawig ng burial at medical assistance at pamimigay ng school supplies at hygiene kits sa mga estudyante.

“VP Sara’s strong leadership and firm political will made all these things possible, putting in place safety measures and health protocols for students, teachers and school personnel,” dagdag pa ni Romualdez..

Sinabi ni Romualdez na saludo ang mababang kapulungan ng Kongreso kay Duterte.