IGINIIT ng Pilipinas ang kahalagahan ng 1982 United Nations Convention on the Law of the Sea (UNCLOS) at ang 2016 South China Sea arbitral award sa internasyonal na talakayan noong Hulyo 30 sa New York City.

Sa pakikipagtulungan ng New York City Bar Association, pinangunahan ng Philippine Consulate General sa New York at ng Permanent Mission of the Philippines sa United Nations ang “Three Decades of the Peaceful Settlement of Disputes under UNCLOS and the Future of Ocean Governance” forum.

Layunin ng pagtitipon na gunitain ang ika-10 anibersaryo ng desisyon ng Permanent Court of Arbitration (PCA) noong 2016 at suriin ang mga probisyon ng UNCLOS sa kapayapaan at tamang pamamahala sa mga karagatan.

Moderator si Victoria Pochtar at nagbahagi ng pananaw sina Prof. Jay Batongbacal, Paul Reichler, Catherine Amirfar, Prof. James Kraska, Senior State Counsel Fretti Ganchoon at Amb. Victoria Hallum.

Binigyang-diin ng mga dalubhasa ang patuloy na bisa at legal na pundasyon ng 2016 Arbitral Award pati na ang papel ng UNCLOS sa pagtugon sa mga umuusbong na banta at hamon sa seguridad sa karagatan.